Notbuk ni Eloiski


Coffee Prince (Ako Prinsesa ng Kape!)
Enero 28, 2008, 9:39 umaga
Isinalansan sa: Telebabad Episode

Natapos ko ang Coffee Prince sa loob lamang dalawang araw. Hindi na masama dahil yaong ibang dvds na pirata dito sa bahay eh hindi ko pa rin natatapos. Ganyan siguro ang epekto lalo na’t desidido at determinado ka talagang manood ng isang koreanovela na gustong-gusto mo. Para sabihin ko pala sa inyong lahat eh isa pala akong dakilang adik ng mga koreanovela. Isa iyan sa mga paborito ko sa buhay.

Hala! Bago pa man ako makagawa ng isang nobela dito’y aba’y uumpisahan ko ng isalitype ang kwentong Coffee Prince. Hanggang last na itong isusulat ko ha. Harharhar! Spoiler! Weee!

coffee prince
Characters:
Gong Yoo – Arthur Choi
Yoon Eun Hye – Andy Go
Lee Sun Gyun – Errol Choi
Chae Jung Ahn – Arlene Han
Ang buhay ni Andy ay hindi ganoon kadali kung kaya’t nagtatrabaho siya ng todo todo. May oras para sa kanyang pagiging taekwondo teacher, meron din para magdeliver ng kung anong food iyon, magtahi ng mata ng mga dolls, magbalat ng mga chest nuts (Oha! Hindi ka kaya mamatay at sumuko sa ganyang buhay!) para mabayaran ang kanilang utang. Dahil diyan, para bang tuluyan na niyang kinalimutan ang kanyang pagiging babae. Sa kabilang banda naman, nariyan si Artur Choi na isang tagapagmana ng napakalaking food company. Pero itong kanyang lola, gusto siyang magpakasal na baka saka-sakaling tumino itong si Arthur. Nag-arrange na nga itong kanyang lola para lamang mahanap na niya ang babae ng kanyang buhay. Pagkatapos na mabangga nitong si Arthur si Andy, napagdesisyunan niyang ihire si Andy bilang gay lover nito para makaiwas sa anumang arranged dates na pakana ng kanyang lola. Yaong lola pala nitong si Arthur eh ginawa pa siyang manager sa isang sira-sira at malapit nang mabankrupt na coffee shop. May nagpapatakbo talaga doon sa coffee shop na iyo at iyon ay walang iba kundi si Mr. Hong. Kumbaga itong si Arthur eh tutulong na palaguing muli ang coffee shop dahil kung hindi kukunin ng kanyang lola ang apartment nito at ang kanyang kotseng napakagara to death. Kaya, ito namang si Andy, nagmakaawa kay Arthur na gusto niyang magtrabaho sa coffee shop. At syempre pumayag naman itong si Arthur. At lumipas ang panahon nagkainlaban silang dalawa na ang alam nitong si Arthur eh lalaki pa rin si Andy. Dumating pa nga sa punto na iniiwasan na niya si Andy dahil parang nagdududa na siya sa sarili niyang kasarian. Pero, dumating din ang panahon na nalaman nitong si Arthur ang tunay na katauhan ni Andy, na isa siyang babae dahil sa madaldal na bunganga ni Baldo at ang pesteng bunganga ng bestfriend niya kuno. At doon, sinesante nitong si Arthur si Andy dahil sa kanyang kasinungalingan at pagpapahirap niya dito para pigilan ang kanyang sarili na mahalin si Andy. Eh di ayon! Lagi ng tulala si Arthur gayundin si Andy. Isang gabi, pauwi na ata si Andy dala-dala ang kanyang bike mula sa pagbebenta ng chest nuts. Dahil nga tulala siya, hindi niya namalayan na nakabukas pala ang lalagyan ng chest nuts at unti-unting nahulog ang mga ito mula sa lalagyan. Pero, napansin din niya at kinuha niya ang mga ito. Sa kabilang banda, napansin nitong si Arthur ang mga chest nuts na nahulog at kanyang sinundan. Pinulot na rin niya ah. Tapos nagakabungguan silang dalawa habang pinupulot ang mga chest nuts. At iyon, nag-usap na sila at nagkabati. Umupo silang dalawa sa bench at sinabi ni Arthur na napakasaya niya sapagkat babae pala itng si Andy. Ngayon, nagbabalak silang dalawa na magpakasal. Hindi muan sumang-ayon itong si Andy dahil nais niya munang makamit ang kanyang pangarap bilang isang coffee master. Itong si Arthur naman sinabi niya na magpapaksasal na siya at ang babaeng kanyang pakakasalan ay walang iba kundi si Andy. Gulat naman to death itong si lola at hindi siya pumayag dahil daw sa background ng family nito. Dahil daw sa kanyang hitsura at baka habol lang nito ay pera. Buti na lang kinausap nitong si Mr. Hong (alam na niya noong una pa man na babae si Andy) si Lola at tila naenlighten ang ating lola. At doon, binigyan niya ng visa papuntang Italy itong si Andy para makamit niya agad ang pangarap nito at makapagpakasal silang agad ni Arthur. Bale, imbes na five years bago sila magpakasal eh 2 years na lang. So, ayun noong una ayaw pumayag nitong si Arthur. Pero nang naglaon pumayag din. At after 2 years, naging coffee master nga at naging coffee king na ang coffee shop. Dumating na rin sa wakas si Andy na hanggang balikat na ang buhok. At ang outfit, huwaw babaeng babae na. Oh yeaH! At iyan na ang ending.

Wakekeke! Andami kong inalis na ibang eksena. Ni hindi ko na nga nailagay itong sila errol at Arlene. Harharhar!. Nakakatamad kaya magtype! Amfuffufu!

Noong December ko pa nga ito natapos. Ngayon lang ako ginanahan na magtype at ilagay na ang summary ng kwentong ito. Hahaha!

Sana maintindihan niyo ang summary dahil rush na lang talaga iyan mga kapatid kong koreanovela lovers.

Ngapala, nitong nakaraang buwan, masyado na akong nahuhumaling sa kape. Kung kaya’t dahil diyan binansagan ko na ang aking sarili bilang prinsesa ng kape. Pero huwagka! Ang aking boardmate na si eden naman ang reyna ng kape dahil mas adik pa iyon kaysa sa akin.

Mga Puna


Itagtag mo
Enero 28, 2008, 9:03 umaga
Isinalansan sa: Tagski Tagshing Episode

RULES: Kopyahin lang ang lahat ng tanong at mga pamimilian. Piliin ang sagot na pinakatutuo sa inyo. Ang score, makikita nyo sa link na nasa ibaba. Be honest! Sagutan nyo muna bago kayo sumilip sa sagot o scores. Huwag na kayo mandaya, wala namang pagkatalo sa tag na ito.

1. What would you do during Weekends?
a. Read books
b. Play sports
c. Do household chores
d. Go on trip

my answer: a — 1 (Mahilig talaga ako magbasa. kahit anong babasahin pinapatulan ko huwag lang iyong mga porno. Gusto kong pinapalibutan ako ng libro, maraming maraming libro. But! Tke nOte: Hindi ako nerd.)

2. You dream to be:
a. World Champion
b. Campus Crush
c. Scientist
d. Dream date

my answer: c — 1 (Ang totoo niyan, kung mananalo ako ng lotto, magpapagawa ako ng sarili kong laboratory ung para sa chemistry. Masyado kasi ako nag-eenjoy sa paghalo-halo ng mga chemicals. Anong malay natin, makagawa ako ng Superheroes na parang PowerPuff girLS.)

3. What’s your favorite music?
a. Rock
b. Rap
c. Pop
d. Ballads

my answer: a — 3 (Masaya kasi ang mga rock eh. Parang dinadagundong ang aking buhay. Hindi kasi sad pakinggan. Ikaw ba naman, laging malungkot, makikinig ka pa ba sa slow at napakasenti. Malamang hindi dahil baka magpakamatay ka na sa kalungkutan niyan. )

4. What’s in your closet?
a. something original and wild
b. latest fashions
c. something classic
d. same as your friends closet

my answer: c — 1 (Hindi ako mahilig sa mga damit. ANg totoo niyan, nanay ko pa rin ang bumibili ng damit ko. Para kasing nasasayangan ako sa pera ko ‘pag ipmabibili ko lang damit ko. Buti pang pinambili ko ng mga plates para sa Tech Draw baka sakaling tumaas pa ang grade ko. huhuhu)

5. You watch
a. Romance
b. Sci-fi
c. Comedy
d. Thriller

my answer: d — 3 (Gusto ko yaong may thrill para naman hindi boring panoorin. Gusto ko may katatakutan na medyo misteryoso ang dating. Yaon bang medyo mapapatanong ka at maiihi sa kinauupuan dahil sa excitement)

Score: 9

9 – 12 – YOU LIVE SOCIALLY, YOU KNOW HOW TO BE WITH OTHERS AND THEY LIKE YOU AS YOU ARE. YOU DONT NEED A CIGARETTE TO WITH

bakit naman ako magyoyosi. Isang kalokohan! AmP!

Wala na siguro akong itatag kasi halos lahat na ng mga kakilala ko dito sa blogosphere eh natag na ng ganito. Harharhar! Iyan ninOng aH! AhihihihI!

Mga Puna


Dugtungan mo. . .
Enero 6, 2008, 8:57 umaga
Isinalansan sa: Chismax Episode, Makata Tayo Episode, Multiple Choice Episode

    Ang mga salawikain ang isa sa mga literatura na meron tayo na ipinasa sa atin ng ating mga kanunununununuan. Minsa’y nosebleed din ang inaabot ko sa pag-iintindi ng mga salawikain na ito. Paano kaya kung gumawa ako ng sarili kong bersyon na lamang para maintindihan ko talaga ito ng lubusan? Pero, dahil mahal ko kayo, gusto ko rin  naman malaman ang sarili ninyong bersyon sa pamamagitan ng pagdugtong sa mga bitin na salawikain. Kung ano po ang maidudugtong niyo, ikomento niyo lang dito. Okey din yaong mga jokes pero mas masaya ako kapag seryoso na talagang malaman at pampanosebleed pa rin para makita ko kung sino ang mga lalapitan kong mga makata in da pyutyur. Sana, wala naman pong kabastusan ha. Peace out!

  1.  Huli man at magaling. . .
  2. Ang gawa sa pagkabata. . .
  3. Pag hindi ukol. . .
  4. Sa taong gutom. . .
  5. Ang pagsasabi nang tapat. . .
  6. Hanggang maikli ang kumot. . .
  7. Madaling maging tao. . .
  8. Pagkahaba-haba man ng prusisyon. . .
  9. Walang matimtimang birhen. . .
  10. Ang kahapon ay lingunin at ang bukas. . .
  11. Kung may usok, may. . .
  12. Ang matuling lumakad. . .
  13. Humayo at . . .
  14. Ang sabi niRizal, “Kabataan ay magandang Pag-asa ng bayan”, sabi ni Erap,. . .
  15. Ang turo ng Diyos, “mahalin ang kapwa; ang payo ni Ama. . .
  16. Ang tinuran naman ni Ina. . .
  17. At ang aking tugon. . .

O, hayan po sana dugtungan niyo. Ahihihi! Masayang pagtripan ang mga salawikain. Tulad ng mga kumakalat na mga text messages tungkol sa bagong salawikain kuno. Try din natin gumawa ng sarili nating bersyon. Tandaan: Ang bersyon na inyong magagawa ay magrereflect sa inyong katauhan. Wakekekek!

Mga Puna