Sino sa tingin niyo ang may hey hey bibertdey ngayong ika-28 ng Mayo 2008? Oh well, face towel, isa siyang mahalaga as in mahalagang tao sa buhay ko (Hindi ito yaong lovelife ko na si Canon S5 IS ha!) kaya nga gagawa ako ng entry alang-alang sa kanya eh. Dito ko ibubuhos yaong mga gusto ko sabihin sa kanya na hindi ko masabi ng personal kasi hiya ako eh. Amf. Pero naipapakita ko naman sa mga actions ko eh. Ika nga action speaks louder than words.

Sino nga ba siya? Hindi na ako magpapaliguy-ligoy pa. Siya’y walang iba kundi ang aking eber loving inang mother. Kaya heto na ang unsent letter para sa kanya. Iready na ang mga tuwalya at timba para sa inyong luha! Joke! Hindi ito madrama. Swear!

Dear Mama,

Paano ba iyan? Tumanda ka na naman ng isang taon. Bale {[(sin 30 - cos 60)*(0.0276/3.1416)]+(square root of 484 + square root of 400)} na ang age mo mama. Kaya pala unti-unti ng dumadami ang iyong mga pilak. Mga pilak na buhok na minsa’y inuutos mo sa aming mga anak mo na bunutin. Okay lang yan mabeauty ka pa rin naman eh at naging mabuting ilaw ng tahanan sa amin minsan nga lang medyo pundido. Joke!

Ma, sorry sa mga kalokohang ginawa ko. Pero sa totoo lang ma, wala naman akong maisip na ginawang kalokohan kaya ikaw na bahalang mag-isip ng mga iyon. Sorry din kung minsan , minsan lang ha, na pinapainit ko ang ulo mo. Pero halos lahat naman ng mga commandments at mga sinasabi mo eh sinusunod ko:

1. Noon nagpaalam ako sa’yo na gusto kong umattend ng birthday ng klasmeyt ko doon sa beach. Hindi mo ako pinayagan. Kaya simula noon, lahat ng mga nag-iinivite sa akin sa party sa mga pool o beach, nirereject ko na. 100% sure naman kasi na hindi mo ako papayagan eh. Basta may naririnig kang beach at pool, malamang na ayaw mo. Pera na lamang kung tayong magkakamag-anak o kung may party ang iyong mga amigos at amigas. Okey lang sa akin yun. Ayaw mo lang naman ako mapahamak eh. Naiintindihan ko. May reunion na naman daw kami, pero hindi na lang ako nagrereply sa mga text nila (wala kasing load), kunwari wala akong nareceive na text. Malamang hindi ka papayag. Hahaha.
2. Pagtitipid. Itinuro mo sa akin iyan noong kinder pa lang ako. Kaya nga gustong-gusto kong makatanggap ng mga alkansya noon. Lalo na yaong binili mo sa akin na AVON na alkansya. May susi-susi kasi eh. Kaya, kapag may gusto akong bilhin na luho, dapat galing sa ipon ko. Tulad na lamang ng bike at gitara na binili ko na galing sa ipon ko. Malamang naman na hindi ka papayag kung yaong pera mo ang gagalawin mo. Okay sa akin iyon. Hindi naman kasi siya kailangan kung tutuusin eh. Luho lang talaga iyon. Naiintindihan ko.
3. Maging simple ka lang. Kaya nga ngayon, hindi talaga ako sumusunod sa uso eh. Yaong mga damit ko, conservative ang dating dahil iyon rin naman ang gusto ko. Hindi mo rin makikita sa akin ang mga dangling at malalaking hikaw na kasing laki ng pulseras at butones sa tenga ko. Ni hindi nga rin ako nagpupulbos kasi hindi ako komportable. Hahaha. Napapaachiiing lang ako. Okey na okey lang sa akin iyon. Tutal gusto ko naman iyon eh. Naiintindihan ko.

So, sa tingin ko naman, naging mabait na anak naman ako sa’yo. Hindi ka naman nagkaroon ng napakalaking problema sa akin, di ba? di ba? Ang bait ko noh.

Siya, sige! Hanggang dito na lang. Hey hey pibertdey uli sayo mama! I love you very much. Alam ko naman na naging masaya ka ngayong araw na ito eh. Hehehe!

Love,

Eloiski

At dahil nga hey hey pibertdey ni mama ngayon, binigyan ko na lang siya ng

At ang ibibigay naman ng aking eber loving amang father eh brand new tv.

Once again! Hey hey pibertdey! Sana magrant na ang wish mo. Ang tumama sa lotto!