Nakakainis isipin na minsan mo na nga lang gawin ang isang bagay eh hayun at pipigilan ka pa.  Hindi ko maintindihan kung ganoon na lamang ba kasama ang ginagawa ko at pati ang langit eh pinipigilan ako.  Ang saklap ng buhay.

Masaya ako sa ginagawa ko pero yaong iba kaya nasisiyahan sa ginagawa ko?  Malamang sa malamang eh hindi.  Obvious naman eh, bakit nila ako pipigilan?  Syempre hindi sila natutuwa!  Amp!  What a lifeness!

Nakakainis, nakakapikon at ang sarap grrrr!!!  Minsan na nga lang ako magsaya dahil nga tapos na rin ang isang sem at heto pinigilan pa ako.

Ugali ko kasi na kumanta kanta kapag wala na akong projects, assignments, quizzes, exams at kung anu-ano pang kachurvahan iyan.  Habang nag-iinternet ako at kumakanta kanta ng “Payong (tagalog version ng Umbrella!)” Oo corny na kung corny, eh bigla ba namang umulan.  As in ulan ha.  Ni hindi man lang umambon-ambon!

At ang mas malupit pa diyan, sinamahan niya pa ng hangin na oo malakas-lakas din kahit papaano.  Nagulat ako syempre! Putakte!

At ang mas malupit na malupit pa diyan eh noong kakanta ulit ako at binibigkas na ang lyrics na “Hindi na hindi hindi hindi hindi…”.  Kablooog!  Akalain mong kumidlat at kumulog pa.

Pucha!  Ayaw talaga akong pakantahin!  Ganoon na lamang ba kasama ang boses ko!  O baka naiinggit lang si Kulog sa golden voice ko?  Aminin!

Okey lang kung ibang tao pero ibang bagay na ito eh.  Langit na ang nagjujudge! Wapak!

Wateber! Babagyo pa ata!  Oh it can’t be!  Ang daya!  Dapats a sembreak hindi bumabagyo.  Dapat kapag may klase at may mga quizzes o pasahan ng projects! Amp!  Wrong timing ka talaga!

Masaya ako ngayon dahil BAKASYON NA! Yehaaa!!! debidi marathon na ang drama ko! Ang dami ko nga palang biniling debidi.  Umabot ng limang daan nagastos ko at lahat yaon ay pawang ANIME!  Oo adik ako sa anime! Iyan lang naman isa sa kasiyahan ko eh! ANIME!  Tama ba ako, Batopik? Marife?

Pero, hindi naman ako ganoon kasama bumili rin naman ako ng orig na vcd.  Syempre yaong tig-100 o 99 o 75 pesos lang ang presyo.  Yaong pinaglumahan na ba!

At dahil bakasyon na, asahan niyo na ring bibisitahin ko na ang bahay-bahay niyo at mamamalimos ng pamasko!

Bye bye!